向來一本正經的Cath，玩遊戲非常投入。
黃妍(Cath)在4月4日生日， Fans趁假期於昨晚(11日)為她舉行生日會慶祝，令一平日一本正經的Cath玩個夠。Fans特地針對Cath記性差、畫功差的弱點，設計遊戲，雖令她「醜態」百出，卻玩得非常開心，「本身冇諗過有生日會同埋有咁多人嚟，大家平時聽我做Podcast或者台上唱歌都好正經，今日一齊玩遊戲好開心，仲展示咗好癲嘅狀態出嚟，Fans表示已經有好多我嘅黑圖。」窩心的Fans又知道Cath鍾意蠟筆小新，特別訂造了卡通的造型蛋糕，氹得她笑逐顏開。
生日願望學日文
早前Cath飛往日本旅行探親，順道新歌《反烏托邦三部曲》拍MV，既看到富士山，又遇上櫻花盛放，與同事留下美好回憶。受到日本之旅的啟發，Cath今年生日願望想學日文，她說：「過去都好Typical，願望想寫到好聽嘅歌，今年有少少目標想學日文。平時都鍾意聽日文歌睇日本電影，但一粒字都聽唔明，今次去日本發現用英比較難溝通到，冇乜嘢方法可以將自己想表達嘅嘢表達比對方知，如果可以學到少少基礎日文，聽歌可以理解埋佢嘅歌詞，睇日本片可以聽埋佢嘅語氣 。」
立即更新/下載AM730手機APP 體驗升級功能
