![黃庭鋒奧運廠景現場即時翻譯日文 曾為學業放棄做職業足球員](https://cdn.am730.com.hk/s3fs-public/styles/article_image/public/2024-08/d97056d0-5854-11ef-afa7-1ffd18429981_1723442463.jpg?h=aeae6f5d&itok=08IexiON)
黃庭鋒奧運廠景現場即時翻譯日文 曾為學業放棄做職業足球員
黃庭鋒為今屆巴黎奧運TVB「奧運之星」之一,日前主持TVB巴黎奧運節目期間,日本乒乓球選手早田希娜接受TVB獨家訪問,黃庭鋒於廠景現場即時翻譯,被網民大讚厲害。其後,黃庭鋒又以一口流利日文拍攝短片答謝網民支持。
黃庭鋒奧運廠景現場即時翻譯日文引網民讚不絕口
黃庭鋒翻譯日本乒乓球選手早田希娜奪獎感受,令網民對佢讚不絕口,又指原來黃庭鋒識日文:「庭鋒厲害」、「加油啊!庭鋒,你最近好火!keep住啊!」、「好勁,原來佢識日文」、「咁長嘅感受都記得.....」等等。黃庭鋒又再拍攝短片大曬流利日文多謝網民:「好開心能夠成為今屆奧運的主持,收到很多鼓勵和支持,真的很多謝大家,餘下日子會全力以赴,謝謝!」唔少藝人都留言讚賞黃庭鋒,包括湯洛雯以日文譯音留言:「非常酷」;姜麗文則以日文留言:「祝你好運!我支持你」等等。
黃庭鋒13歲到英國留學,熱愛足球嘅佢曾經係學校足球隊唯一亞洲球員,參與過唔少學界和區際足球賽,曾經大膽向父母開口希望到阿根廷學踢足球,即使費用昂貴,但爸爸無條件支持自己,黃庭鋒對此表示感激。黃庭鋒又曾入選阿士東維拉、狼隊青年軍,但因準備升大學而放棄。之後黃庭鋒去日本大學參加交流生計劃,並完成N2日語考試,因此講得一口流利日語;回港後,曾修讀中文大學體育系文學碩士學位課程,又於國際學校擔任體育老師。
原文刊登於 Yahoo 娛樂圈