黃心穎被foul出《流行經典50年》 胡蓓蔚要獨唱兩首歌

黃心穎原本昨晚要錄影《流行經典50年》，不過家燕證實她被抽走。之前一直有傳心穎與豹嫂胡蓓蔚合唱，因為心穎偷食搞到豹嫂的工作也受影響。及至昨晚，豹嫂如常現身錄影廠，她解釋謂︰「公司都想搵啲嘉賓crossover，但一直都喺度緊期，同埋啲歌要有版權至唱得，直至上星期收到通知要solo兩首歌。」她又直言認識心穎，大家又是公司同事，當然不評論事件了。

因為安心偷食一事，搞到凡與心穎認識的人夫都恐被扯上關係。問到豹哥單立文是否與心穎認識，豹嫂點頭，但她表示對老公絕對信任︰「我老公好好，兩夫妻都咁耐！」談到老公豹哥可有曾受到引誘？豹嫂稱不知道，她說︰「我認識佢之後，人不可貌相，驚佢風流倜儻，但佢又冇喎，而且佢日日去《愛·回家》，可以走去邊？」