浸會大學學生會長方仲賢昨晚於深水埗鴨寮街購買雷射筆稱作觀星用，被便衣警員指他涉藏有攻擊性武器拘捕，惹來圍觀市民不滿。今日不少人就雷射筆的用途引來熱議，而黃國桐律師接受訪問時指出當他非法用的時候，攻擊人身，才可定性為攻擊性武器，對方只是購買而且是學生學份，用途有好多，未足以構成攻擊性武器。
其中黎瑞恩在私人facebook說：「為確證雷射筆之安全可靠，試吓射完佢雙眼，通過安全標準嘅話，要求警方要立即放人兼道歉！」而她的朋友就此po留言，認為「雷射筆有好多級數，在鴨寮街賣得都是合法，如唔賣得早就拉左喇！」之後又有朋友認為小恩子盲撐，她回應︰「咁都盲撐？如果證實安全，我要求就警方道歉喎！」對於雷射筆可作為觀眾用途，她說︰「我真係才疏學淺，450nm波長雷射筆可以用來照幾光年以外的星星？地球幾時發展到同星星距離得幾百米，觀星係用追星儀同天文望遠鏡是常識吧！係咪真係當全香港人係白癡！」
黎瑞恩的私人Facebook截圖流出之後，有不少fans表示對偶像的言論感失望，而她的公開Facebook就有不少人留言指罵，其中有位網民留言︰「黎瑞恩小姐，本人聽閣下唱歌已達28年之久，其實真的不想干涉藝人的政治立場，但如果我支持的藝人有主動公開發表民生政見，作為歌迷就想了解更多。閣下另一個帳戶發表有關『鐳射筆事件』的高見是否出自閣下真心真意﹖如果係，為何又刪POST﹖請讓歌迷們了解閣下更多，謝謝~~盼回覆~~」
另外，有網民認為小恩子的建議非常無知，他留言︰「果然係好無知， 如果話架車要通過安全標準，咁個標準會唔會係撞下人睇下個人死唔死先啦，如果把刀要通過安全標準， 咁安全標準會唔會係斬下啲貓貓狗狗或者斬下人睇下有冇流血先啦！」
立即更新/下載AM730手機APP 體驗升級功能
