黎諾懿笑言打籃球可以不停擺甫士。
黎諾懿今日到電台宣傳籃球賽，他表示求學時期熱衷打籃球，更因而荒廢學業，幸而仍能勉強升班。他自言當時是學校的風頭躉，更認為打籃球可與女仔有很多眼神接觸︰「打籃球係好有型，我做運動最緊要揀可以擺甫士，任何時間都可以同女同學有眼神接觸。」問到當時有否因而「食好多女」，他笑說︰「早知食多啲，人哋話食多啲會生女，所以我生兩個仔。」
黎諾懿表示自高縮水，連太太李潔瑩也覺得他沒有以前那麼高。
港姐改著樽領？
黎諾懿的太太李潔瑩是港姐出身，對於監警會委員余黎青萍批評港姐泳裝環節，他表示感到不解，更反問是否要穿樽領，並笑言樽領亦可以很性感。他指韓國女團BLACKPINK的造型也很少布，但予人健康，最緊要有沒有美感，「講真依家咩年代呀？最重要意識上有冇美感，如果佢係賣弄色情就緊係唔好鼓吹，但如果佢係靚嘅，令人有遐想係好正常，都唔關多布定少布事。」
黎諾懿的太太李潔瑩是港姐出身。
amJetso 送BIODERMA救星小紅瓶🩷護膚恩物 立即按此參加👇
