林夏薇憑《黑色月光 》反角撼贏楊茜堯， 領先「民選視后」。
《萬千星輝頒獎典禮2024》將於1月19日晚上舉行，視帝視后之爭相當激烈，最近有機構辦網上投票，由網民一人一票選出「你心目中的視帝/ 視后？」截至今日早上10時，劇集《黑色月光》的男女主角王浩信及林夏薇，暫踞「民選視帝」與「民選視后」榜首，分別以22%及25%得票率領先，楊茜堯則憑17%得票率緊隨其後。
對於在網上投票大比數領先，林夏薇開心表示：「坦白說以我為例，做反派心理壓力大好多，劇情對角色所做嘅壞事，已經係既有設定，係拿揑上要平衡唔容易，所以卓慧雲（劇中角色）可以得到觀眾認同及投票，對我嚟講係最珍貴嘅榮譽，好感動好感動！」是否增強了信心？「有份入圍10強，相信每個（藝員）都好有實力，亦都會有期望，𠵱家聽到觀眾、網民支持同鍾意嘅角色，令自己多咗啲信心，希望會有好成績。」
林夏薇坦言得到觀眾認同，是最珍貴的榮譽。
入App免費拎荷花BB展入場券
