網民指阿Sa的「甫士 」又老土又奇怪。
內地綜藝節目《乘風破浪3》(前名《乘風破浪的姐姐》)，近日公布第三季參賽女星的名單，同時分享了幾輯海報，大晒30+女性嘅自信同魅力，網民都讚影得靚。不過日前官方再上載由節目組影的海報，有網民質疑部份女星的照片P得太勁，而且pose奇怪。
瘦身變靚後的阿嬌，被P圖反而出事。
阿Sa擺老土甫士 阿嬌愈P愈出事
《乘風破浪3》今季有不少港人熟悉的姐姐參賽，包括《延禧攻略》女主角吳謹言、Twins的阿Sa、阿嬌、薛凱琪、胡杏兒等。鍾欣潼(阿嬌)近日為節目減肥成功，被網民大讚V面回歸靚返晒，相當靚女，豈料官方海報就影到她鼻大又露孔，面型P圖得也不太美，fans都紛紛留言投訴：「還我美女嬌！」但好彩另一張官方宣傳相影得靚好多。至於她的好姊妹阿Sa個樣就冇乜問題，不過個pose就被批有啲老土，笑容亦都好僵硬。
昨日慶祝成團20周年的Twins，參加《乘風破浪3》被指照片P得太勁。
入App免費換走健康產品
