林文龍今日以候任亞視副總裁身分，與老婆郭可盈及女兒天若出席《2019亞洲小姐競選》，可謂全家總動員撐亞視！ 提到林文龍為無綫拍攝的《那些我愛過的人》有傳明年4月播出，問到他會否返無綫做宣傳，他大方說道︰「喺我角度當然可以啦！我唔知TVB點睇，我覺得成個娛樂圈係要團結，百花齊放，就算係唔同公司都可以交流，如果仲當係敵人就唔多舒服。」身旁的郭可盈亦都幫口說道︰「年代都唔同啦，以前8、90年代就存在住競爭，但係而家唔存在住呢兩個字喺度，反而係大家都想做啲好嘅製作出嚟，得益嘅都係觀眾。」
問到會否擔心劇集成為倉底貨，他說︰「咁呢個唔到我擔心喎，你諗吓，就算我冇過到去，佢排咗4月，唔代表佢真係4月出街㗎嘛。TVB咁多存貨，其實個倉底大把選擇喺度，咁其實之前都有好多劇拍完都冇出街㗎啦，作為一個演員係被動，唔會預計得到，所以亦都唔需要擔心，只係做好自己嘅份內事，用一個平常心去睇就已經OK。」
問到郭可盈有10年沒有在幕前出現，會否因為老公而出山，
立即更新/下載AM730手機APP 體驗升級功能
