【即時娛樂】竇靖童樣貌最似嫲嫲

竇靖童遺傳天后媽媽王菲嘅音樂才華，但外型同樣貌跟爸媽竇唯、王菲都唔太似。最近佢晒出同奶奶(嫲嫲)嘅生日照，原來佢最似嘅係嫲嫲。相片中，竇靖童嫲嫲身穿黑色外套，面露慈祥笑容，瞌上眼、雙手合十對住蛋糕許願，雖然頭髮花白，但精神爽朗。網民看到相片後恍然大悟，驚覺祖孫倆樣貌相似，亦有眼尖嘅網民發現，生日相背景牆同王菲屋企好相似，疑似係喺王菲家慶祝。王菲同前夫竇唯離婚近20年，同前家姑關係相處和諧，網民大讚王菲有氣度。