一眾DJ與歌手在禮堂分享，被指似足團契。
叱咤頒獎禮其中一個環節，由一眾DJ與歌手在學校禮堂互相分享2019的得著，其中小儀談及愛犬離世的時候一度哽咽，並分享對生死的睇法。她說︰「2019年香港人都好難過，好彩有鄧小巧嘅歌，令到大家得到醫治，好多謝你個演唱會醫治香港人心靈。」
一眾DJ分享完之後，各歌手逐一分享，打頭陣的有謝安琪，不少網民都以為Kay會講到香港發生的事，但她只提及過去一年對創作的睇法。她說︰「我今年好認真探索咩係最好，作為上舞台嘅人，點樣去更加鍾意自己，發掘一下舞台未嘗試過、未觸及嘅，原來藝術生命可以咁有火花。」
其後她又多謝Juno、公司及與她合作的團隊，她說︰「我要多謝屋企人，因為今年係我休息之後，重新拼博、工作一年，家庭崗位好需要人幫忙，好多謝家中嘅老人、姐姐同屋企兩個小朋友，我好多時間都擺係工作上面，今年係好漫長、複離嘅一年，情緒有好多，感受好多，就係跌跌撞撞咁了解自己更多。」
Kay以往不少歌曲都與社會有關，今年就一改以往路線，由於張繼聰的細佬張繼安從事警察，令Kay飽受批評，所以當Kay講多謝名單時，不少人留言問道︰「點解唔多謝張繼安？」
