(左起)黃瑋琦、雷莊𠒇、何依婷及張寶欣一同見記者。
港姐冠軍雷莊𠒇、亞軍何依婷、季軍黃瑋琦，以及big big chanel最受歡迎香港小姐張寶欣，昨日一同會晤記者。對於賽制被指不公，雷莊𠒇直言評審都是專業的，他們看得出誰比較有潛力。
今屆港姐賽制備受爭議，雷莊𠒇坦言：「噚晚只係瞓咗兩個鐘，都冇時間留意，不過我知佢哋有唔同意見，我都冇點理，地球咁大，每個人都有唔同意見，我一向都很有自信，呢啲說話我覺得好好笑。(網民對你的牙齒也有意見？)笑容比較大，贏咗冠軍梗係笑得開心，我唔覺得要戴牙套。」
雷莊𠒇認為Do姐為人公正。
否認父親是億萬富豪
提到爸爸被傳媒起底指是億萬富豪，她笑言：「我有睇到報道，覺得好好笑，我打電話俾佢，問佢係咪有嘢冇同我講？如果係，我都唔使咁辛苦自己交學費，呢個係錯誤報道。(父母有心理準備被追訪？)佢哋初初有啲驚，因為唔想上鏡，不過都有心理準備。」另外，有網民指亞軍何依婷才應該當選冠軍，她表示：「每一年都有唔同新元素，Do姐係校長，佢有權都好正常，我覺得佢係公平嘅人。」
張寶欣滿意自己表現。
張寶欣；我贏咗人心
至於張寶欣被選為big big chanel最受歡迎香港小姐，她坦言：「多謝大家支持，家姐(張寶兒)戥我開心，因為佢覺得我贏咗人心。(是否覺得名次不重要？)好滿意自己表現，(會否覺賽制不公？)大會有專業看法同眼光，而且三甲都好出色。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
