大劉指他的一位前女友，去超市地下執垃圾收據後，claim他生活費。
劉鑾雄(大劉)在記者會上雖然沒有明言造謠的賤女人是誰，但就暗示她的一位前女友，「我有一位前女朋友，佢買一支牙膏可能返嚟公司claim 3次錢，又會喺超級市場地下執垃圾收據返嚟claim。」當記者問他連對方收據都知，「公司會計部check單check得好緊，佢最鍾意買完名牌手袋，之後係二手市場放賣套現現金，之後返嚟同我claim。」
大劉當時安排一位秘書給這位前女友，指該秘書退休時他附了一筆現金，託前女友交付給該位秘書，「佢連幾十萬都貪，嗰位秘書當時好幫得手，咁佢退休我就俾錢前女友，送俾那位秘書當退休金，之後我問返個秘書，佢話一毫子都冇收過，嗰個賤女人就係咁貪錢。」
大劉指前女友的貪錢招數，衰過40年前的舞小姐。
他稱40前的夜總會，一些舞小姐最喜歡用這招呃客人錢，「四十幾年前我哋帶客人去夜總會傾生意，那些舞女最喜歡用這招搵老襯，帶客去附近的日本時裝商店買衫，買完之後第二日，攞返去間商店到，5,000蚊買返嚟，退返4,000蚊現金，間商店就就執1,000，我冇講大話㗎，以前好興呢招搵老襯，呢啲蠱惑招我500萬億年前，我都有得出賣啦。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
