Adele新專輯，要等多年幾嘞!
2015年推出嘅《25》。
等咗好耐，終於有消息出碟嘞! 講緊係30歲樂壇天后Adele，佢自從生完BB之後，就專心照顧家庭，加埋佢做完巡迴演唱會就話成個人散晒，仲話唔再做巡唱，兼且暫時唔再工作。據英國《每日郵報》報道，Adele休息咗一排，終於開始錄新歌，Adele今個月初已經同唱片公司工作人員見面開會，自己已作咗幾首歌，仲會搵其他知名音樂人寫歌。
至於新碟預計喺明年聖誕節推出。如能如期推出，將會係Adele嘅2015年大碟《25》之後，相隔4年再出新碟。
入App免費拎荷花BB展入場券
