家謙稱，與Do姐拍旅遊節目，預被對方鬧。
唱作人林家謙，為友邦香港拍攝全新AIA「自在自選」危疾保廣告，早前舉行首映禮他亦有出席。廣告中家謙展現多種才能，又以自己個人成長經
驗為題材，分享人生每步都可以自己作主，家謙說：「可能我係屋企嘅『孻仔』，父母都唔係好左右我嘅決定，今次拍攝我都出動咗私伙嘅眼鏡，呢個係我大學時配戴嘅眼鏡，依家唔敢帶啲方形眼鏡啦，留翻比啲靚仔啦，今次當比大家見吓我嘅學生Look！」
席上播出家謙戴方框眼鏡扮學生的短片。
家謙近期不時現身演唱會活動，更即將與Do姐出外拍旅遊節目：「我都未定會點拍，都預咗會比Do姐鬧，呢個係常態！平時去旅行我就會瞓到自然醒、唔想咩都Plan定晒，搞到好似返工咁，但係呢次有酬勞，係工作嚟嘅！」提到早前不時現身音樂會做嘉賓，更在Tyson Yoshi胸前簽名：「梗係簽啦，有得簽名嘛！其實都想見吓啲音樂人，好似盧廣仲、林宥嘉等等，見吓呢啲『網友』。」
家謙指，很想與盧廣仲、林宥嘉這些網友見面。
amJetso 送BIODERMA救星小紅瓶🩷護膚恩物 立即按此參加👇
