唔少女生都鍾情於名牌手袋，向來喜歡打扮嘅汪明荃（汪阿姐）都唔例外，最近佢仲喺社交網站分享喺屋企「曬包包」嘅片段。從片中所見，阿姐至少擁有40至50個名牌袋，而且個個大有來頭，可以話係「手袋收藏家」。
走喺潮流尖端嘅阿姐，對唔同穿搭都有一番研究，好少失手嘅佢仲被封為「時尚教母」。最近佢上載一段喺西貢獨立屋「曬包包」嘅片段，阿姐將啲包包放滿幾張枱，有啲仲掛喺晾衫竹嚟曬，唔少人對佢嘅「曬鹹魚」式嘅保養包包方法感到有興趣，除咗容祖兒留言話「Cutie 阿姐」之外，唔少網民亦有留言，例如「人哋曬命，啊姐曬袋」、「Lisa姐啲袋要吸收維他命D!」、「亞姐又曬名牌袋」、「Liza姐一年一度的曬包季開始啦」、「So cute」、「生活的樂趣自己創造」及「風和日麗曬曬衣衫又同狗狗玩玩, 好有生活中的樂趣」等等。
由年少開始曬
其實今次並唔係阿姐第一次咁樣「曬包包」，佢喺三年前已經分享過，仲話呢個習慣喺年少時開始，當時佢仲住喺北角嘅一座唐樓，而唐樓嘅頂層有一個大天台。阿姐就話媽媽喺每年暑假都會吩咐佢同姊弟將屋企嘅冬天衫同棉胎等搬上天台曬太陽，咁樣啲衫可以著得耐啲。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
