首次與胡杏兒合作的譚耀文，大讚對方非常出色。
譚耀文、胡杏兒合演夫妻的開電視劇集《獅子山下的故事》，昨晚連播兩集，譚耀文飾演的李高山在第三集時，因意外死於非命，驟逝令觀眾大感錯愕，掀起首個高潮。對於第一次與杏兒合作，譚耀文直言欣賞對方已久：「一直都好欣賞杏兒，佢演過嘅劇集我都有捧場，佢係勇於突破的嘅好演員，今次佢做女當家相當有說服力。同佢首次合作就演一對有經歷嘅夫妻，我自己都好想睇。衷心希望杏兒今次憑呢齣劇再創新高峰。」
《獅》製作認真，服裝、布景重塑七十年代情懷。
用心復刻七十年代拼搏精神
譚耀文、胡杏兒這對夫妻的演出令人深刻，劇情引起幾代人共鳴之餘，更為譚耀文飾演的這個絕世好老公死得太早，而感到十分可惜和痛心，譚耀文也身同感受：「我覺得李高山喺劇中係一個能夠代表到獅子山精神嘅領袖人物，因為佢係一個無私嘅人，經常捨己為人，最大目標就係俾一家人齊齊整整，兄弟同心共創將來，為人非常樂觀。」譚耀文又指，他演的角色故事其實印證了七十到九十年代的香港人那種努力不懈和開創精神。」
劇集以茶餐廳爲背景，通過幾代人的視角，展現香港時代變遷。
問他自己的角色這麼早就完結會否感到可惜，譚耀文表示這是一早設定的效果：「編劇寶華姐就係要呢個效果，我都好喜歡呢個角色，所以好感謝監製李國立、 導演吳錦源、同編劇陳寶華，搵我演同參呢一部咁有意思嘅作品。」
amJetso 送BIODERMA救星小紅瓶🩷護膚恩物 立即按此參加👇
