韓國人氣男團BTS(防彈少年團)早前推出節奏遊戲引起粉絲關注,昨日遊戲公司CJ Netmarble及BTS宣布聯手推出養成遊戲「BTS WORLD」,玩家可以喺遊戲中做BTS經理人,7個成員任揀一個當練習生培養捧紅佢。預告可見遊戲畫面中,成員好似同你玩Face time咁,偶然仲可以睇到佢哋詐嬌,真係電暈粉絲。
BTS專誠為遊戲拍攝咗超過100條情境短片,仲有專屬1萬張寫真,又為遊戲唱主題曲,簡直係遊戲界同演藝圈一大創舉!
遊戲將於2018上半年發行,手機電腦都玩得,而且仲有韓文、英文、中文同日文字幕,世界各地粉絲都玩得。