何守信直言不滿意自己的成績，因過了保險線第一條已不懂答。
陳志雲主持的亞視節目《百萬富翁2018》名人版，昨日在大埔總台進行錄影，第一集有何守信、林作、王賢誌、朱慧敏和崔碧珈擔任嘉賓，分成三組比賽，共贏得4.6萬元獎金，全數撥捐慈善機構；朱慧敏及王賢誌更大爆賽果，指林作連最基本的1千元獎金也拿不到。
專程由加拿大返港錄影節目的何守信，大讚主持人陳志雲：「佢有做司儀嘅先決條件，就係記性好，之前睇過佢好多節目，做MC好有深度。」他又稱對鏡頭講台詞其實好難，「我哋一睇就知佢係唸稿定係消化咗！」陳志雲就謙稱視對方為偶像，大讚何守信是「神級司儀」，所以面對前輩難免緊張。
林作願為愛情放棄100萬
陳志雲又笑指對林作大感失望，「林作只顧住身邊嘅崔碧珈而分心。」林作接受訪問時表示，面對崔碧珈，實在無法專心回答問題，所以成績麻麻，「當知道佢係我拍檔，已經瞓唔着，估唔到佢真人同上鏡一樣咁靚！」更稱如果100萬元和愛情，他會選擇愛情。
amJetso 送BIODERMA救星小紅瓶🩷護膚恩物 立即按此參加👇
