BIGBANG成員陸續入伍。
大聲(右一)也確定在本月13日入伍。
韓國天團BIGBANG隊長G-DRAGON(GD)，喺上月27日入伍，隸屬白骨部隊；另一成員太陽亦預計喺本月12日入伍。今日佢地嘅經理公司YG娛樂透露，成員大聲亦將喺13日入伍，比太陽遲一日！據悉，1989年出世嘅大聲比G-Dragon、太陽細一歲，本應係明年先服兵役，但佢希望可以同隊友差不多時間入伍，喺去年申請自願入伍。
計落BIGBANG五人中將有4人服役，剩低勝利單打獨鬥。YG表示，雖然佢都希望同各成員一齊入伍，但現正忙於個人首部華語電影《宇宙有愛浪漫同遊》嘅宣傳：「勝利會結束電影宣傳活動，及發表個人專輯後，再自願入伍，以現役身分服役。」
入App免費換走健康產品
