《見習無限耆》落實拍韓片版 傳韓國影帝崔岷植演超齡實習生？
片商華納今日公布發展亞洲市場計劃，將會為華納一系列英語大片開拍亞洲版，頭炮將會係為2015年上映嘅西片《見習無限耆》(The Intern)製作韓片版本。
韓片版《見習無限耆》呢單消息傳咗好幾年，疫情前嘅2018年已經有報導指華納打算搵韓劇《訊號》導演金元錫執導，並於2019年開拍，結果因為疫情及版權等種種原因未能成事。去到今年6月，韓國再傳出《見習無限耆》拍韓片版嘅消息，導演人選就盛傳同原版一樣希望由女性執導。
《見習冇限耆》講述Anne Hathaway飾演嘅Jules，創辦嘅服裝網購公司迅速崛起，更推出｢高齡見習生計劃｣，聘請仍然有工作能力嘅長者重返職場。退休多年嘅月曆印刷公司前高層Ben，因為生活空洞而申請參加見習計劃，並被委派擔任Anne Hathaway嘅助理，後來Ben更成為Jules嘅人生導師，為事業、家庭以至感情問題出謀顯策。
盛傳韓版《見習無限耆》有意搵崔岷植演羅拔迪尼路嘅角色
至於主角人選，原版由羅拔狄尼路飾演嘅70歲見習生 Ben，據報導指片商有意搵同羅拔狄尼路一樣，演技同名氣都夠份量嘅韓國影帝崔岷植飾演。而女主角嘅後生女CEO就未有定案，但係韓國藝能界從不缺乏呢類二三十歲幹練女演員，相信唔少女星都虎視眈眈。
原文刊登於 電影LOL
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
