Tom爆料《蜘蛛俠2》片名，一定係Marvel宣傳技倆啦!
《蜘蛛俠2》會唔會好似《復仇者3》咁，打到上太空？
「蜘蛛女」Cindy傳聞開拍獨立電影。
Cindy(紅圈)曾經喺《蜘蛛俠 : 強勢回歸》現身。
《復仇者聯盟3》、《死侍2》仲有即將上映嘅《蟻俠2 : 黃蜂女現身》(Ant-Man and the Wasp)，Marvel超英片攻勢叫做暫時完結，不過喺西雅圖動漫展(Ace Comic Con)中，「蜘蛛俠」男星Tom Holland就有份宣傳，仲拍片放喺Instagram透露《蜘蛛俠》續集名稱。
Tom喺短片中話 : 「我都唔知《復仇者聯盟3》想點，因為我喺片中已經死咗，所以我唔知道之後會發生咩事。」之後Tom就攞部iPad出嚟。「我已經攞到劇本喇，仲睇埋添，《蜘蛛俠》續集一定好勁。」從iPad所見，《蜘蛛俠》續集叫《Spider-Man: Far From Home》，據聞《蜘蛛俠》續集嘅「蜘蛛俠」將會離開紐約，到另一地方惡鬥壞人。
另外，喺《蜘蛛俠》漫畫中嘅「蜘蛛女」Cindy Moon，據聞也會開拍獨立電影，Sony Picture與Marvel正研究開拍計劃。漫畫中嘅「蜘蛛女」Cindy係「蜘蛛俠」Peter Parker同班同學，喺《蜘蛛俠 : 強勢回歸》(Spider-Man : Homecoming)中出現過，屬韓裔美籍女仔。
「蜘蛛女」都係被放射性蜘蛛咬傷，之後擁有「蜘蛛俠」一樣嘅能力，雖然力量唔大，不過就比「蜘蛛俠」有更強嘅感官能力。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
