193感謝古天樂的教導，獲益良多。
ERROR成員193(郭嘉駿)今日夥拍古天樂出席活動，他更賣口乖表示︰「識到古生好似有保佑咁，我感覺到自己會大紅大紫囉！」他受訪時表示古天樂無條件提攜後輩︰「古生嘅意見好受用，佢有睇ERROR演出，教我哋點樣可以持續發展，入咗好多錢落我袋。」
193表示這行起伏大，所以有錢搵就盡量搵。
提到早前的波鞋風波，他指已經成功購得該對限量版波鞋，強調並非fans送贈。他曾揚言自己拍一個廣告已經可以買廿對波鞋，問到現時的收入是否已經夠俾首期，193就表示首期僅夠買劏房，購不了豪宅。他又大呻公司出糧慢︰「我成日鬧公司，公司出糧比較慢，但我好有信心公司幫我接嘅job，係會為我爭取最啱嘅價錢。」
他又自言這行起伏大︰「可能聽日就變咗吳亦凡，搵到錢嘅時候就盡量搵，我都有搞自己品牌，用自己方法賺錢。」提到保錡捲入桃色風波，193指隊友現時只食沙律(保錡女友稱號)並稍後一齊出席活動。
立即更新/下載AM730手機APP 體驗升級功能
