49歲吳文忻乳癌復發擴散淋巴腺 有意赴泰接受新療法抗癌

積極面對病情

現年49歲嘅吳文忻（現改名吳忻熹Nathaliie）喺1998年參選港姐奪季軍入行，早前接受傳媒訪問自揭兩年前曾患乳癌，今年第三期復發，並擴散至淋巴腺，所以要做化療同免疫治療。積極治療面對嘅佢喺網上分享抗癌經歷，並指喺接受第三次化療便出現嚴重脫髮副作用，而兩位囡囡Scarlet及Season就幫佢剃光頭，以正面心態面對病情。

吳文忻公佈患癌消息後，唔少網民及圈中人都為佢打氣，而三年前曾患乳癌嘅李樂詩，最近亦有與吳文忻見面及分享抗癌心得及調理方法。另外，佢喺做資料搜集後，有意前往泰國進行「細胞治療Cell Therapy」，佢除咗覺得呢個治療啱自己之外，有朋友完成治療後效果成功，所以計劃去試一試。

原文刊登於 Yahoo 娛樂圈