5歲Lucy自稱發噩夢大喊。
李璨琛（Sam）的5歲囡囡李元元（Lucy）向來可愛及搞笑程度爆燈，大受網民歡迎，為食型象更加是深入民心，Lucy媽（梁志瑩)昨日就在社交平網大爆囡囡因一事發噩夢大喊 。
Lucy媽寫道：「今朝起身，瞓喺隔離嘅LU掛佳一個好豬嘅樣同我講（伴隨住一啲口氣）：『媽媽，頭先我發咗個惡(噩)夢呀』，其實咁耐以來都未聽過佢話發噩夢，因為佢本人係瞓得好冧嗰隻，第一次聽見佢話發噩夢，即刻豎起耳仔好想聽吓。」
原來Lucy 所指的噩夢是冇得食福麵，她搞笑表示：「我個噩夢呢…係呢…本來媽媽話俾我食福麵，真（跟)住最尾媽媽都係話唔好食攞走咗我碗福麵，最尾冇得食福麵，然後我就喊咗囉。」相當可愛，Lucy媽表示聽完後立即笑到醒晒，更謂：「人生真係未聽過一個噩夢係咁惡」網民都笑言：「原來無得食福麵已經係人間慘事」。
立即更新/下載AM730手機APP 體驗升級功能
