74歲婆婆撲唔到MIRROR演唱會飛喊足幾日。
人氣男團MIRROR將在本月尾舉行的12場紅館演唱會可謂一票難求。港台DJ彬臣日前便在節目中分享了一位74歲婆婆撲MIRROR演唱會飛的故事，令不少網民大感心酸。
彬臣的媽媽有日突然問他有沒有方法買MIRROR演唱會門票，原來媽媽是想幫公司清潔嬸嬸購買，彬臣表示：「呢位嬸嬸74歲，未退休。你都知道老人家要去接觸科技嘢真係唔簡單，尤其網上買飛唔似我哋有晒攻略，事前已經知道晒啲步驟、準備好晒啲資料，第二朝未夠鐘已經上網F5緊。」彬臣更指婆婆特意以$440加入MIRROR官方歌迷會成為MIRO，可惜最終都未能成功搶飛，他媽媽透露：「佢足足上咗兩日網，最終都撳唔到，仲喊咗幾日。」
彬臣愛莫能助，他表示一位老人家願意花時間和心機學習上網買飛：「我深信佢除咗自己睇之外，背後可能想同孫仔、囝囝女女，一家人開開心心去睇，呢個故仔真係令我印象非常深刻，佢學點樣買飛，聽到佢喊咗幾日，我個心乸乸哋。」有網民認為應該設有關愛座：「點解演唱會唔可以有關愛座飛賣？難得上咗年紀嘅老人家都咁有心去睇演唱會」，亦有人回應指主辦方要預留門票給尊貴客戶，沒有預普通人買飛的。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
