《903 AllStar 籃球賽》圓滿結束。
《903 AllStar 籃球賽》於上周五圓滿結束，森美在社交平台連出數PO大談今次籃球賽感受。森美早於廿年前便參與《903 AllStar 籃球賽》當時同周杰倫、陳冠希、余文樂等較量，十年前一場則與方力申、張繼聰、周柏豪、胡鴻鈞等，當年由胡鴻鈞獲得MVP，令不少人驚訝他原來是好波之人。
森美於2011年的《903 AllStar 籃球賽》。
回顧廿年籃球賽有感
森美上載多張昔日照片，留言說︰「二十年啦，真心感觸，盡力啦！我呢個甘草會繼續服務樂壇，同每一代偶像歌手打到無力。不過有一電台前輩比我打得更耐，為音樂打拼更搏﹐佢就係黃志淙! Respect!!」對於今次籃球賽，他坦言今年打得非常投入，感受很深亦很爽。
森美今年與小儀再次亮相《903 AllStar 籃球賽》。
黃志淙(左)亦有參與今次賽事。
吃力舉起阿正
他亦分享多張與另一DJ抬起阿正的照片，相中見到他面容扭曲，他大吐苦水說︰「作為903轎夫，幾大個籮柚我都槓過，但係隔離嗰個人都唔用力，仲好似好享受咁，真係成晚好攰。又跳舞又打波又講，如果要再搞，呢幾年好搞埋呀，如果好似上次咁十年之後先再搞，我呢啲老人家真係搞唔掂！」至於被抬起的阿正說︰「大哥膊頭好堅，辛苦晒！」至於被森美投訴沒用力的Jeff留言說︰「冇計，阿正揀你個膊頭，唔揀我嗰個……辛苦大哥了！」
amJetso 送BIODERMA救星小紅瓶🩷護膚恩物 立即按此參加👇
