面對肺炎疫情，近日行山成為不少市民的避疫熱選，每逢假日山嶺都被擠得水洩不通，熱門山徑更是遺下很多口罩和垃圾。曾經參加毅行賽的C AllStar成員陳健安(On仔)向來熱愛大自然，昨日他自發登山執垃圾，聯同十幾人的義工大隊帶齊執垃圾裝備上山，全程執了4個多小時垃圾，令他深有體會，在社交平台撰文紀錄箇中心情，語重心長，「希望大家理解多啲每個崗位面對嘅困難同心理關口，互相尊重之外，行為上都有所改變，例如有啲膠樽係出現喺危險斜坡上面，清潔者就會因為我亂拋，而要面對呢個跌落山嘅風險。」最後，他再叮囑「請自行帶走垃圾。」
On仔與友人組統義工隊執垃圾。
On仔表示，最感意外是只走了20分鐘，猶如半個人身高的垃圾袋便滿了七成，他在社交平台分享拾荒心情時，坦言起初確曾猶豫，他寫著，「真係執？然後又諗，越無人行入去就更加要走入去執，總要有人去執，況且今日目標清晰，唔係嚟嘆風景。」雖然他曾盤算餘下的逾3小時行程，如何負重十幾磅落山？但仍堅持完成約4小時的行程，怎料落到市區仍要山長水遠找垃圾站棄置，令他深有體會，「最後我覺得自己從頭頂到腳趾尾都好污糟，好想返屋企即刻沖涼，又唔想搭任何交通，因為覺得自己污糟，怕整污糟人哋㗎車，乜都怕。」
義工團袋共搬了十幾袋垃圾落山。
入App免費拎荷花BB展入場券
