吳嘉禧這身打扮也不錯啊！
吳嘉禧(Cheronna)早前拍攝Viutv 節目《唔試唔知份工好》，近日播出她去打工部份。Cheronna 到一間茶餐廳做「打雜王」，由樓面、收銀、洗碗等等樣樣做齊，不過講到最難忘，莫過於做於茶餐廳內做「魚蛋妹」劏魚整魚蛋。
吳嘉禧落手落腳劏魚。
吳嘉禧認為今次是很好的經驗。
整魚蛋整到手痛
Cheronna稱茶餐廳的魚蛋是自家製，零劏魚經驗的她表示幸好不用她去拍暈條血及放血，認為今次是很好的體驗︰「我冇諗過整魚蛋係咁凍整，隻手凍到痛，整魚蛋真係好花功夫。去工場劏魚，點樣將魚骨同肉分離，點樣整魚醬同魚蛋， 再到樓面落單收錢等等，所有事都非常難忘，係一種好難得嘅體驗。」
吳嘉禧至愛洗碗。
洗碗最開心
至於今次於茶餐廳打工，Cheronna坦言最愛的工作是入廚房洗碗，她笑說：「整魚蛋係好新鮮事，但最鍾意反而係洗碗，因為洗嘢時其實好自癒，腦可以放鬆，平時自己都鍾意洗嘢，而且我覺得自己洗碗都有天份，好滿意自己喺洗碗呢個崗位嘅表現。」
立即更新/下載AM730手機APP 體驗升級功能
