COLLAR成員Day和Ivy So現身銅鑼灣出席韓式炸雞店開幕活動。(羅錦鴻攝)
COLLAR成員許軼(Day)和蘇雅琳(Ivy So)昨日(10日)於銅鑼灣出席韓式炸雞店新店開幕活動，兩人穿上牛仔貼身短裙亮相，Day的露心口背心短裙，性感又養眼。兩人更即興上演炸雞店遇Oppa的小劇場，非常可愛。Ivy So爆料指曾叮囑多穿件衫打底，「驚佢食嘢啲碎，跌咗落去。」Day自言食得好優雅。
大談keep fit心得
問到兩人食炸雞，可擔心發胖？Day表示：「其實自己都好鍾意食炸雞，但每次食完之後，如果覺得肥咗，就會勤力啲做返運動，你哋見我咁嘅身形以為我食極唔肥，其實唔係囉。但我就唔會因為怕肥所以唔食嘢，最多每次食完之後，又再做返多啲運動，呢個動作係不停咁輪迴。」Ivy So深表認同：「食咗先算。最多做返多啲運動去減。我睇返初出道的自己，塊面肥嘟嘟，而家係Keep住做運動，養成習慣，有時凌晨3點幾我都會做運動。」自上月結伴去遊行後，兩人愛上游泳，笑言是有效的消脂方法，問到可會穿比堅尼泳衣遊水，Ivy So直言入行後，渡假才會穿比堅尼。
amJetso 送BIODERMA救星小紅瓶🩷護膚恩物 立即按此參加👇
