宋仲基主演新劇《財閥家的小兒子》贏得不俗口碑。
鄭裕玲(Do姐)離開TVB後全職煲劇，不論英劇、日劇、泰劇到韓劇也逃不出她的手指罅。昨日， Do姐在電台節目《口水多過浪花》提到宋仲基主演新劇《財閥家的小兒子》，不但大讚男神玉樹臨風，還自爆特別鍾情性格演員李星民，對劇集讚不絕口！
Do姐昨日在電台節目《口水多過浪花》上推介宋仲基新劇《財閥家的小兒子》。
激讚真人玉樹臨風
Viu Original原創奇幻韓劇《財閥家的小兒子》首播叫好叫座，第三集收視更突破雙位數字，在一眾韓劇新作中一枝獨秀！宋仲基今次夥拍影帝李星民合作，還有氣質女星申鉉彬演出，Do姐對宋仲基的人設就有以下見解：「屋企環境相當唔錯，而且靚靚仔仔，去到中學、大學甚至係校草，成績好、體育好，仲考入知名大學！」正當余德丞表示宋仲基打得又睇得之時，Do姐竟自爆過去未曾收看他的作品，直至《財閥家的小兒子》為二人牽起緣份：「雖然我冇睇過佢嘅戲，但係我喺MAMA頒獎禮見過佢真人，的確係玉樹臨風！不過唔知點解一直冇吸引到我睇佢嘅作品，直至呢套；而宋仲基好嘢嘅地方就係，佢今年都37歲，但係佢可以扮大學生喎，你唔會覺得佢扮𡃁仔！依家播咗三集，佢嘅野心已經出咗嚟、有晒部署，淨係睇演技我都覺得好睇！」
影帝李星民夠搶眼
李星民是劇中另一焦點，他向來演技非凡，更囊括百想視帝、影帝，以及大鐘獎最佳男主角等不少獎座，就連Do姐也點名大讚對方實力出眾：「劇中另一個好主要嘅演員我都好鍾意，就係李星民，只要有佢出現嘅劇集，佢都會盡力做，而佢嘅角色亦都非常有魅力。李星民喺第一集最尾出場，佢冇講過一句說話，但係嗰種攝人嘅魅力，會令你覺得『有呢個演員喺度就掂喇！』」《財閥家的小兒子》改編自同名網路小說，以80年代為背景，講述出身貧寒的尹炫優（宋仲基飾）忠誠效力順洋集團，某天他奉命為會長陳養喆（李星民飾）管理秘密資產，卻被誣陷私吞資金而慘遭滅口，後來他竟重生為順陽家的小兒子陳導俊，從此開啟第二人生！為了侵吞整個財閥家族，他逐步成長並展開一連串復仇行動，誓要在上流社會掀起腥風血雨。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
