Barbie鞋運到，Do姐開心到即時出po。
Do姐(鄭裕玲)離開大台發展更好，電台節目不用多說，YouTube頻道「The Do Show」短短1個月已有近13萬訂閱，IG追隨人數41萬，Do姐可說是全方位「掂」。因為《芭比》(Barbie)電影，近日掀起一遍Barbie與粉紅色熱潮，原來Do姐都係Barbie粉絲，她今日上載兩張粉紅色背景相於IG，其中一張拿著一隻粉紅高踭鞋，並留言：「靜靜地話你知，其實我都係Barbie fans。今日終於收到由倫敦直送嘅禮物。冇錯，就係Barbie電影入邊同款嘅粉紅高踭鞋。係英國品牌GINA嘅出品，對鞋珍貴在全人手製造，逐粒Swarovski水晶鑲上去，超喜歡呢個英國品牌，大愛。」網民大讚Do姐夠眼光，高踭鞋襯晒高貴嘅Do姐。
英國名牌加人手製造再有Swarovski水晶，襯晒高貴嘅Do姐。
《芭比》瑪歌羅比在片中穿上的高踭鞋，同Do姐嘅一模一樣。
《芭比》預計下周的全球票房達10億美元，Greta Gerwig(中)暫成史上最高票房電影女導演。
飾演Ken的賴恩在片中唱出《I'm Just Ken》，打入Billboard 100第87位。
《芭比》票房破晒紀錄
美國編劇與演員工會繼續罷工，電影冇得做宣傳，但無阻《芭比》熱潮。美媒Deadline報道，勢不可擋的《芭比》全球票房已達8.5億美元，超越2017年的《神奇女俠》，創下女導演史上最高票房紀錄。電影踏入下周一，預計全球票房達10億美元。另外，片中飾演Ken的男星賴恩高斯寧(Ryan Gosling)主唱的《I’m Just Ken》，打入Bilboard Hot 100排名第87位，這是賴恩首次登上音樂榜。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
