(左起)郭偉亮、龔柯允、馬浚偉、程凱欣、新城員工兒子Arthur、黎展峯。
《新城體育會》昨日（24日）舉辦了第三次羽毛球活動，馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」
郭偉亮、程凱欣、黎展峯一齊打羽毛球。
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。
今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」
馬浚偉與郭偉亮玩雙打。
Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」
Eric Kwok原來是打羽毛球能手。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
