George自爆有跟隊友商量進修大計 。
P1X3L成員歐鎮灝（George）昨天（14日）出席香港建造學院活動，同場邀來小儀任司儀，George分享了他追歌手夢的過程，參與《全民造星II》以前，他曾擔任兼職銷售員：「嗰陣都未諗定自己想點，到19年鼓起勇氣參加《造星II》，幸運地簽到公司，成功入到行，嗰刻真係好似中咗頭獎咁開心。到而家對電影有興趣，平時都會搵啲導演傾吓偈，學習多啲。」 但是George始終認為要時刻為自己做好準備，他坦言曾與其他兩位成員商量進修大計：「機會留畀有準備嘅人，即使我知道自己唱歌、演戲未係最好，但都期待每次更好、 更進步，所以自己都不斷進修演技。早排嚟學院拍宣傳片，先知而家建造業咁先進，可以好 咁用BIM建樓，體驗完我好有信心自己完全應付到，有機會都可以嘗試啲建造業嘅課程，或者將來拍劇有用，都唔排除有日會入行㗎，哈哈! 拍攝時聽學院同事話收入都幾唔錯，讀完仲幫你搵埋工。」而小儀亦透露爸爸亦是建造 業一員，多年前曾經從事整𨋢工程，為不少大廈從零開始建𨋢，她笑謂是建造業養大自己。
George呼籲DSE同學們藉着是次的資訊日，了解更多課程相關的資料作參考，並以 P1X3L的《Just Lean On Me》歌詞鼓勵同學：「未到大結局，劇透沒有大意義呀!」期後 ，George又與現場觀眾玩遊戲影合照，台下氣氛熱烈！
