Frankie、姜濤及Jer今日到旺角出席活動。
MIRROR成員姜濤、柳應廷(Jer)及陳瑞輝(Frankie)今日現身旺角口罩限定店，大批fans到場支持。他們表示從花姐口中得知fans通宵守候，非常多謝他們支持，但希望他們不要通宵等候，以免捱壞身體。
Frankie對自己的歌喉不滿意。
Frankie唔敢諗出solo
剛完成拉闊音樂會的姜濤及Jer稱，現時未為12月的演唱會準備，所以有時間休息。姜濤又透露，他的第9首個人單曲快將推出，現時正努力準備。在旁的Jer即爆料︰「有人排舞排得好開心，食到飽！」問到Frankie有否計劃推出個人歌曲，他說︰「如果出一定係代表作，諗過度過有啲嘢仲係未滿意，啱時候會同花姐自薦。對自己唱歌仲未好滿意，尤其喺Jer隔籬。」並謂私下有上堂學唱歌。Jer則指Fankie跳舞比他好，各成員也有努力裝備自己。
姜濤與Jer互爆大家「偷食」。
Jer想同姜濤半裸騷肌
提到隊友Anson Lo及Anson Kong為內衣品牌半裸騷肌，Jer表示有意挑機，更拖姜濤落水︰「可以考慮我同姜濤！」姜濤聞言即謂︰「你得我就得！」Jer︰「點會唔得呀！一星期做一次gym，依家做兩次！」姜濤即反擊︰「操fit嗰個自己拍MV喺度食宵夜！」Jer解釋︰「工作壓力大就會食嘢！」問到他們對Anson Lo及Anson Kong的身材有何評價︰「勁啦！使唔使去到咁盡！真係好犀利！佢哋操咗好耐，好勤力，我哋都要自己努力吓！」
相關新聞：
教主露底｜Anson Lo半裸騷肌拍廣告 網民：底褲都要斷貨
拉闊音樂會｜姜濤獲魯庭暉讚《前傳》handle得好 被警告唔准減肥要多休息
拉闊音樂會｜姜濤與拉闊3子另組「Terror」？ Tyson未能與Jer合唱感遺憾
amJetso 送BIODERMA救星小紅瓶🩷護膚恩物 立即按此參加👇
