Jer柳應廷與MC張天賦首度合作開show，門票被秒殺，現宣在加開一場。
Jer柳應廷與MC張天賦早前宣布首度合作開show，旋即掀起撲飛熱潮，原定僅此一場的《KATCH OUR LIFE Jer柳應廷 x MC張天賦 音樂會》，公開換購的門票被秒殺，大家今日宣布加開8月31日，並推出VIP門票，讓觀眾可以入場獨家觀賞Jer 及MC 長達30分鐘的絕密綵排，親身了解他們在演出前認真準備和試唱的過程。
每場獨一無二？考慮吓
Jer與MC兩位唱將從得知合作開show，已積極構思音樂會的內容，當知道門票被秒殺，二人都大感興奮，Jer道：「本身都覺得唱一場唔夠喉，有得加場當然開心！」，MC更謂：「加場當然開心啦，因為可以有多啲機會，等更多嘅觀眾可以接觸我同Jer嘅音樂，睇到我哋嘅合作，而且一場唔夠喉，兩場就滿足啲。」既然有兩場演出，二人可會為此而特別構思更多不同內容，讓每場音樂會都變得獨一無二？Jer表示：「會同MC認真考慮，希望大家期待吓！」MC表示：「要睇同Jer嘅時間配唔配合到，能唔能夠有充足嘅時間準備多啲嘅表演，如果有娛樂性，同埋觀眾可以睇得開心啲嘅話，當然可以有多啲唔同嘅嘢啦！」
