配合曲風，12子穿上毛毛服飾手攞武士刀chok爆演出。
MIRROR相隔9個月再推新廣東歌團歌《Hunt You Down》，MV已在MIRROR官方頻道上線。12子在MV中變身獵人，服飾加上毛毛質料，睇落更加有型。一眾成員在科幻世界唱出追捕獵物的曲風，各人chok爆型跳加上武士刀擺出各種有型pose，團隊肯定又多一首大熱歌曲。
姜濤在歌曲最後唱出「You better run」，型到爆。
Edan大讚新歌好狼好刺激。
Edan：好狼好野性
《Hunt You Down》以捕獵者追趕獵物的決心作主題的歌曲，曲風上亦突顯了這個主題特色。Edan表示：「歌曲前面好快好刺激好野性好拫，但去到中間突然變咗抒情輕鬆曲風，之後再入返去原本曲風。今次新嘗試，喺廣東歌都未見過。」Lokman表示今次rap多過唱的部分。最後會聽到姜濤chok爆唱出「You better run」，原來這句是他的主意，「強調返成隻歌嘅重點，因為我覺得成隻歌比較惡，喺MV入面我哋係一班狼一班武士，斬殺敵人。」MV內注入很多CG元素，Anson Lo表示：「今次有3D scanning嘅科技，scan完每個人嘅樣，就可以做到唔同嘅打鬥場面，同埋一啲跳唱嘅scene，呢個新科技好得意好新奇。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
