今日係MIRROR 7月紅館演唱會公開售票大日子，12場演出共有37700張門票作公開發售。由於反應太過踴躍，唔少人10點正式開售前已經嘗試登入售票網站，但多次被系統彈走。根據網友分享，截至上午11點半，售票網顯示演唱會門票只售出12.5％嘅門票，仲有33047張未賣。換言之，大家買唔到飛，應該係因為網站塞車造成……一係就滯銷啦，你信唔信？
負責管理表演場地嘅民政事務局，今朝喺facebook出post，表示「實名制售票運作暢順」，認為可有效遏止門票炒賣及高價代購等行為，打擊「黃牛黨」，保障公眾利益。唔少人㩒爛keyboard都未買到飛，見到「運作暢順」呢4個字，梗係焫焫焫焫焫焫著！
原文刊登於 Yahoo娛樂LOL，am730獲授權轉載
amJetso 送BIODERMA救星小紅瓶🩷護膚恩物 立即按此參加👇
