Nowhere Boys將於7月23日假旺角麥花臣場館開騷。
五人樂隊Nowhere Boys將於7月23日在旺角麥花臣場館舉行《Nowhere Boys “Know Where to Go” 音樂會 2022》，日前他們透過IG直播公布消息，而為了照顧一班忠粉絲，門票會在下周四（23日）早上10時於Telegram（TG）的「Nowhere Boys & Girls 」供會員專享優先訂票。
每次Nowhere Boys開騷都會設定特別主題與觀眾互動，上次主題是「選擇」，邊唱邊由觀場即場投選接下來的歌曲，鼓手Nate表示今次主題「太空旅行」，邀請觀眾穿旅行裝，鍵琴手漁佬說：「渡假feel？」Van笑說：「唔得，咁講Nate會着沙灘裝，我驚佢踢拖上台！大家要full gear，森林旅行裝，認真啲玩！」低音結他手 Hansun笑說：「可以帶埋行李箱，裝備齊全。」除了設定Dress Code，Van透露今次開騷會加強舞台設計，他說：「好開心，我哋一直都好想喺麥花臣開騷，等咗好多年。而且今次演唱會比以往upgrade好多，包括會有一個好大嘅Video Wall，多咗好多視覺效果，多謝公司。」漁佬笑說：「過往我哋幾個人喺個台上走嚟走去，好似小型舞台劇，今次畫面上會更豐富。」每次開騷，結他控Kenneth都會帶幾支珍藏上台，上次出動絕世結他，他透露今次開騷考慮向朋友借出價值七位數的古董結他，其他成員聞言，立即笑言要交換樂器表演。
Nowhere Boys今次演唱會主題是「太空旅行」，歡迎大家Dress Code捧場。
入App免費拎荷花BB展入場券
