Steven張致恒成功考獲平安卡 疑登台惹大量債主討債

張致恒（Steven）與太太區燕雯（雯雯）經常於網上呻窮，雯雯亦透露老公藉口多多唔去見工。早前Steven得到內地登台機會，更被大爆收七萬元歌酬，不過Steven 立即否認。而Steven 今日(8日)就在社交網報喜宣布成功考獲建造業工人牌。

雯雯曾公開埋怨Steven 不肯去報讀建造業強制性基本安全訓練課程（平安卡），但眼見吳浩康憑做地盤殺出一條血路，Steven 早前亦扚起心肝報讀。他今天（8日）在Ig限時動態宣布成功考獲證書，並分享其證明書及建造業工人的註冊證，開心表示︰「終於有啦﹗有冇地盤即pay介紹？」不少網民亦替他高興。 

而另一邊廂，老婆雯雯則在IG限時動態表示Steven 早前登台並不代表已翻身，她寫道：「天真嘅人先會覺得登台代表發達，代表可以翻身。如果係真，我就唔洗繼續每日為生活左諗右諗！為奶粉同交租咩方法都要行。唔洗乞丐 咁求人喇」網民都估計自Steven 登台搵真銀後，立即引來不少債主把握機會搵上門要求還錢。