Steven老婆雯雯自爆「又變返乞丐 」 網民：又想利用自閉兒子借錢？

張致恒(Steven)與太太區燕雯連同4位小朋友一家的經濟問題，隨住Steven到地盤開工，經濟狀況似乎有所改善，雯雯亦有一段時間冇再因為錢銀問題而在網上大吐苦水。不過，雯雯昨晚（20日）再於IG限時動態呻窮「變返乞丐」。 

雯雯在年初時透露其中一名兒子確診自閉兼過度活躍症，令她壓力爆煲。昨晚，她與網民大玩你問我答，有人問到可否分享一下有自閉症小朋友的經驗？ 雯雯即大呻：「今日為左個仔打左差唔多30個電話（心好累），香港對自閉症小朋友支援真係好大問題。」她續透露有返工但冇糧出，但就未有指明是她還是Steven：「仲有，家庭經濟，我真係好攰，有工作但唔出糧，真係好頭痛！」

雯雯其後再以灰底黑字透露：「你講得岩，我又變返乞丐，冇人會幫我」有人提到自閉症兒童每個月都要使好多錢做訓練，雯雯即謂：「問題所在。。」網民對於雯雯的貼文反應兩極，有人表示同情，但亦有人指她的留言疑是想借自閉症兒子又於網上「乞錢」。