the pancakes兩場音樂會日前順利完成，林日曦感謝各位令虧龜cake夠膽行番出嚟。
林日曦的處男舞台獨腳戲《大初戀日》正於演藝學院舉行，獲不少圈中人捧場；至於其老婆、一人樂隊the pancakes（蔡明麗）相隔9年再開騷，日前順利完成兩場音樂會。
林日曦在社交平台以長文抒發感受，並感謝台前幕後的幫忙，成就了這個演唱會，令老婆夠膽出山，他寫道︰「我真的要再三非常非常感謝各位成就這件事。上圖中呢個紙巾盒，係後台同事驚阿cake喺台上面喊到崩潰，所以專登預備俾佢。有cake個logo喺上面！人手製作！仲有監製同埋佢啲同事為阿cake而準備嘅其他所有所有細節，都令我哋好感動。我真係要再四再五再六感謝你哋所有人。亦懇請所有cake fans都不要忘記多謝佢哋每一個人。係所有工作人員嘅熱情+愛+積極籌備幫忙，才可以令呢件事發生到，而且發生得咁美麗同專業。最緊要係，令虧龜cake夠膽行番出嚟（兩晚咁多）。感謝感謝感謝感謝感謝感謝感謝感謝感謝感謝感謝感謝感謝感謝感謝......講唔完的感謝。」
立即更新/下載AM730手機APP 體驗升級功能
