![生活](https://cdn.am730.com.hk/s3fs-public/styles/article_image/public/2023-06/02_6.jpg?itok=UW9LXO4t)
Tyson Yoshi指巨型《SPY x FAMILY間諜家家酒》的安妮亞,神情和姿態都非常可愛。
唱作歌手Tyson Yoshi(程浚彥),今日現身又一城出席《MegaHouse Festival in Hong Kong 2023》活動,自言是「毒L」動漫迷的他,非常感謝日本模型廠商 MegaHouse的邀請,令他寓工作於娛樂。他又指自己家中儲下不少手辦模型和漫畫書,Tyson Yoshi說:「男仔通常都鍾意日本動漫產品,不過我去留學時,媽咪送晒我的手辦模型、漫畫書俾我堂細佬,返嚟知道之後激到我,因為好多已經絕版,買唔返。」
![HK ENT](https://cdn.am730.com.hk/s3fs-public/styles/article_image/public/2023-06/03_8.jpg?itok=1bKbDbdC)
非常多謝大會邀請,令他有寓工作於娛樂,又可盡情購物。
早30分鐘到場 Do姐已經為拍攝準備
近日夥拍Do姐(鄭裕玲)出國到奧地利拍旅遊節目的Tyson Yoshi,被對方在電台節目上大讚,他稱與合作後覺得她非常專業:「未合作時覺得Do姐氣場好勁,合作完後覺得佢好nice,唔會俾壓力拍檔難受,一齊坐車時佢會好主動同成隊人傾偈,所以成過拍攝過程非常舒服。」Tyson Yoshi又指,Do姐非常準時,有次他早了30分鐘到拍攝現場,對方已經抵達準備。
![HK ENT](https://cdn.am730.com.hk/s3fs-public/styles/article_image/public/2023-06/04_3.jpg?itok=JBccMepB)
望著《高智能方程式》的1比1模型,他大讚非常有型。
Tyson Yoshi新歌《Be Mine》邀請了AV女優三上悠亞任MV女主角,8月推出新專輯的他,正為主打歌MV籌備,「想俾啲新嘢樂迷聽同睇,想請專業演員合作,不過上《Be Mine》MV下面啲留言,全部都係三上悠亞,冇人留意歌曲同MV嘅意念。」
![HK ENT](https://cdn.am730.com.hk/s3fs-public/styles/article_image/public/2023-06/01_5.jpg?itok=7xcUJyWI)
Tyson Yoshi自認毒L,又稱自幼開始鍾愛動漫迷文化。