中秋節2024｜鄧炳強及太太帶愛犬到元朗燈籠街打卡　指「Lulu」首次出遠門興奮莫名｜Ray Online

今日係中秋節，官員都趁機去放鬆。保安局局長同太太帶住愛犬「Lulu」去元朗燈籠街買燈籠，去老餅店買十黃月餅，仲有打卡。

Lulu笑到「見脷唔見眼」

鄧炳強喺社交網站分享靚相，原來佢每年中秋都會去元朗燈籠街，今年特別帶埋愛犬。而「Lulu」第一次去到元朗咁遠，非常興奮，全程左望右望，仲笑到「見脷唔見眼」，好似喺到祝福所有人中秋快樂咁！途人見到「Lulu」咁得意，都忍唔住撩佢玩。其實今年係鄧炳強第一年同「Lulu」過中秋，而囡囡咁啱唔喺香港，好彩有「Lulu」呢個開心果陪住佢哋一家。