林海峰在頒獎禮的表現成為焦點。
《2021年度叱吒樂壇流行榜頒獎典禮》已圓滿結束，林海峰的頒獎環節成為全晚其中一個焦點。大會當日播出一個名為《2021年度MIRROR樂壇流行榜頒獎典禮》片段，內容全屬惡搞MIRROR，無論現場觀眾及網民都大讚非常好笑。接著林海峰頒發「我最喜愛的男歌手」時，因為輪流玩有份入圍的姜濤、Anson Lo、Edan、Ian及張敬軒，更險令Anson Lo重演關心妍領錯獎事件，引來不少網民批評，到林海峰的社交網留言鬧爆。
當林海峰講完「恭喜你，Anson Lo」令他非常茫然，在旁的Edan即擁抱著他。
林海峰在電台開咪提及頒獎禮事件，谷德昭認為對方的表現很好。
姜濤拉起Anson Lo，但他仍未太清楚發生甚麼事。
林海峰回家被話
今日林海峰主持電台節目時表示︰「返到屋企就聽到話『玩大咗啦』，我就知死啦！哎呀！好有份量嗰個都話過份咗啦！我躺喺度反思下！常在河邊走，哪有不濕鞋！」對於網民湧到他的社交網劣評，他說︰「對我嗰啲好小事，見到佢哋留言每一句都係對MIRROR、連埋欣宜嘅愛，係對佢哋嘅愛先咁，我係感動！因為佢哋對偶像嘅愛，先有咁嘅反應。」
度稿低估現場反應
林海峰又大談有關片段製作及當日在台上的感受，他表示頒發男歌手獎時，因為要等MIRROR走回觀眾席，於是就出現沒預過的deadair時間，滿腦在想開場白，並透露在預先的對白即場作出更改。他說︰「我份稿係寫『恭喜你，Anson Lo好忙』我彩排時幻想過觀眾反應，停頓位如果太短又唔得，太長又過份。我無法估計現場反應係拖到我個停頓位返唔到轉頭。正當我講『恭喜你，Anson Lo』諗緊邊個位入返『你好忙』嗰句，點知隔離E先生已經冚過去，現場啲人已經好似海嘯咁！我都扭唔返入去，企喺度諗冇啦！聽朝……唉！見到個反應咁，尤其是現場啲力量推到Anson Lo起埋身，我覺得要即刻撈返入去，所以即刻話『恭喜你好忙』。」
台上的林海峰再說︰「恭喜你，Anson Lo好忙！」
Anson Lo這個表情圖一直瘋傳至今。
預視大禍臨頭
林海峰指Anson Lo的反應其實很好，加上知道他是怎樣的人，所以他的行為也是預計之內，坦言「當我見到佢坐低之後個反應，就安心啦！佢係一個好善良嘅人，但就知聽朝一定死啦！」及後林海峰就Anson Lo企起身再坐低寄語說︰「今日企起身，有啲坐返低，可能之後等好耐，但個過程就係以為起身，以為走，但自己又留低，之後再用最大嘅力話俾大家知我可以企起身，嗰下就係最美嘅時候。下次企起身企喺凳上面，然後再上台，又係另一種味道，預祝其他朋友喺2022年叱咜有好成績。」
相關新聞：
叱咤2021｜姜濤自覺爆喊唱《Dear My Friend,》好難聽 Anson Lo險變關家姐勁好笑
叱咤2021｜黃偉文多謝MIRROR 笑言要搞無MIRROR叱咤頒獎禮
Anson Lo坐低之後，無力兼掩面，谷德昭認為這幕畫面很可愛。
姜濤連續兩次被玩，但他就比較冷靜，但在旁的隊友已經不停恭喜他。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
