國慶75周年｜民建聯發起「語」眾不同賀國慶挑戰賽　祖籍福建的陳克勤閩南話送祝福｜Ray Online

今年係國慶75周年，民建聯喺社交平台發起「『語』眾不同賀國慶」挑戰賽，鼓勵大家用家鄉話講祝賀說話，再用廣東話解釋意思，拍片放上Facebook，之後再標籤其他朋友接力。祖籍福建嘅民建聯主席陳克勤就率先用閩南話講祝賀語。

民建聯宣傳片入面，陳克勤經過民建聯副主席陳勇嘅辦公室，聽到入面傳嚟一啲聽唔明嘅「怪聲」，「破門」問「勇哥，你噏緊咩嘢呀？」原來陳勇用河南話練習緊祝賀說話，佢祝福祖國「國好、家好、國家好，家家都好！家團圓、人團圓，家人團圓，人人皆團圓！」而祖籍福建嘅陳克勤就用閩南話講「祝福祖國的明天，天更藍、山更綠、水更清、人民更幸福、經濟更繁榮！」

認為挑戰賽很有意義

陳勇話國家有幾十個省，如果大家都用家鄉話錄片慶祝偉大祖國嘅生日，唔單止有意義，仲好得意。陳克勤同陳勇分別「加碼」向8個民建聯成員發出挑戰，分別有立法會議員陳恒鑌、鄭泳舜、李世榮、陳仲尼、區議員林港坤、施永泰同鄧麗玲。