2021-11-19 10:18:00

網上熱話｜大媽港鐵激戰港女不滿講電話大聲要「懲罰」(有片)

公共交通工具上因乘客傾電話或看影片聲浪太大感到困擾時有發生，間中更會發生衝突，小則口角，大則大打出手，昨晚網上流傳一段短片，見兩名女子於港鐵車廂內疑因不滿有人講電話大聲而大打出手。

網上一段標題為「大媽激戰港女！打到啪啪聲」的影片流傳，全片長約1分12秒，未有說明拍攝日期及時間。網上影片(警告！影片內有粗口)顯示，開始已見兩名長髮女子於港鐵車廂內互相拉扯及掌摑，其他乘客退到一旁圍觀，間中有人勸說「算啦」，但兩名女子未有理會，互摑得「啪啪」聲響，之後更互扯頭髮。

期間有人大罵「癲狗」及夾雜粗口，兩女愈打愈激，頭髮散亂，其中穿粉紅色衣的大媽跌坐凳上，手仍扯著穿外套港女的頭髮，港女多次叱喝大媽「放手」，兩人各不相讓膠著當場，未幾有兩名女士上前勸喻及花了一點時間才能協助分開兩女，大媽以粗口罵港女指：「我叫你細聲啲……」但被旁人勸止「唔好再講啦！」大媽不甘再以粗口罵港女「一直X人老X，我叫你停……」，港女駁斥：「你講先㗎！」大媽續說：「你講電話好大聲，我叫你細聲啲，我係咪要懲罰……」影片在此結束。

網民「炒車」誤以為大媽大聲講電話

影片在網上引發討論，不少網民都對於有人在車廂內使用手機聲浪太大表示不滿，「最增(憎)人喺公眾場所講電話高談闊論……」、「其實公眾地方冇(無)規定大聲有問題，只可自唔自律」，惟苦無對策反問「可以點樣？」，有人則直指「立法啦！大聲講電話犯法！罰5000」，有網民認為港女不應該大聲講電話影響他人，亦有人指出「大媽叫人細聲啲都唔需要郁手郁腳呀」、「講電話大聲唔係犯法，但郁手打人就一定犯法」，但有網民卻另有一番見解，指「女人最緊要個手袋。緊係打佢手袋」。

不過，網民留言中亦透露，不少人起初都以為是大媽講電話大聲引發事件，當發現是港女有錯時均感到意外，有網民指「重(仲)以為係大媽大聲講電話」、「講電話大聲果(嗰)個反而唔係大媽」、「大鑊，好多人炒車」、「開頭未睇片仲以為大媽講電話有聲比人打」、「啲大媽用WeChat開埋speaker講電話仲大聲」；亦有網民指出「好多港叔都好鐘意拉開盡喉嚨嚟忘我講電話，尤其朝早巴士」、「通常開咗個喇叭大大聲聲聽嘢嗰啲都係六七十歲嗰啲阿叔」。