出街食飯，最重要餐廳衞生。有網民昨日(14日)在Facebook群組「香港茶餐廳及美食關注組」發文，指到太子一間知名冰廳用膳，但飲到尾時，卻赫見自己所飲的奶茶杯底竟然出現兩片檸檬，且疑似「畀人篤過」，遂向餐廳反映。惟負責人卻表示是師傅不小心而「跌咗落去」，又指「慣例係擺咗落隻杯會篤下兩片檸檬」，承諾免去其凍飲費用。
網民：諗起都嘔
不過，網民表示負責人態度惡劣，故堅持付錢，並直言「一定會上網踢爆你哋啲衞生」。他又指出，根據餐廳為其他客人製作的檸檬茶，「檸檬係放面唔係放底，所以我嗰杯底有兩片檸檬，可以肯定係有人之前飲過嘅凍檸茶」。
貼文一出，隨即引起熱議。有網民指「諗起都嘔，好恐怖」、「飲開佢哋啲檸茶，檸檬放面架！」、「真係不了」；但亦有人好奇問：「奶茶有檸檬竟然飲唔出」，該名網民則回應稱：「真係飲唔出，因為成杯都係甜味」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
