至少有3瓶疑似裝着尿液的水樽放在隔離單位內。(公務員群組fb圖)
繼早前皇后山邨隔離營有入住的確診患者「玩屎」，將糞便擲向單位天花板和牆身後，今次到青衣社區隔離設施有入住的患者，竟然在獲派的水膠樽內小便。相關照片在網上流傳，惹來網民熱議。
照片在fb公務員群組上載，顯示至少有3瓶疑似裝着尿液的水樽放在隔離單位內，發帖人引述青衣方艙醫院清潔工指，部分入住人士有缺公德，懷疑因房間內沒有獨立洗手間，有人懶得出門，竟然直接在獲派的礦泉水膠樽內小便，要這些尿液膠樽讓她們清理，不止一個房間出現這種情況，目前已累積收集逾30個「尿瓶」，怒轟「啲確診者將啲尿(屙)痾晒落啲膠樽度，要我哋去幫佢清理，真係好乞人憎」，又批評入住者衛生意識欠奉。
網民：屙落個樽算好
事件惹起網民熱議，有網民批評入住者「公德點解可以差到咁嘅地步」，惟亦有人認為清潔工月薪3萬元要「食得鹹魚抵得渴」，當中更多人關注隔離設施設計有問題，「將心比心，老人家經常去廁所，吓吓行咁遠。行得嚟都爆晒出黎」、「無獨立廁所就預咗，未必所有人可以自行行去老遠廁所」，坦言「(屙)去落個樽算好」。
amJetso送太興鮮臘腸 👇立即按此參加
