有網民在網上貼出照片，顯示一個無頭櫥窗公仔正「站在」巴士站前。(網民Kwan Li Lancy@FB群組「東涌快報 TungChung_Daily」)
在多項社交距離措施之下，多區未到凌晨已人跡罕至、非常冷清，若見到「無頭東宮」等巴士更感異常詭異！有網民日前在社交網站Facebook群組「東涌快報 TungChung_Daily」張貼一幅照片，顯示一個無頭的女性櫥窗公仔人體模型，竟「站在」灣仔克街前一個巴士站。
發帖網民形容該公仔「嚇×死人咩」，有其他人就指擺放公仔在該處的人「明玩嘢」、「劣質行為」，也有網民認為現場比較光猛，正常應該不會造麼易被嚇倒；有留言則笑言公仔身體向前傾，「咖啡妹都企不穩」。
此外，有人就戲言「你睇條灣仔道咁靜，就知佢等緊尾班車之後嗰班特別車」、「人地等緊車去富山都唔俾(畀)咩！」發帖網民就表現得很關心該名「候車客」，戲稱：「唔係唔比(畀)，我擔心佢連眼都冇睇唔到有冇車嚟啫。」
會員免費換香港麥當勞叔叔之家慈善基金「愛❤迎蛇年利是封」及揮春！
