有男子在海底隧道管道內踩單車往九龍方向。(網民Sharon Wong@FB群組「車cam L（香港群組）」)
政府在各大收費隧道陸續推行「易通車」不停車繳費。網上今日(16日)流傳一段短片，可見一名男子在紅磡海底隧道踩單車往九龍方向，其間神態自若、不時如駕駛者般擰頭留意交通情況，有網民笑稱「果然係易行易過易通行」、「問下佢黐左(咗)易通行未」。
網民：免隧道費但要交罰款
流傳的片段長約39秒，可見一名頭戴鴨舌帽、孭背囊的男子，在沒有戴頭盔下於海底隧道北行管道內踩單車。有網民留言指「不用比隧道費，但要比罰款」、「影佢出來應該會被檢控，有圖有真相」、「隧道口當值位人兄會唔會被照肺呢」。
有留言就關注在隧道管道踩單車的身體狀況，「貪隧道入邊的廢氣持久不散、醒腦提神」、「踩得咁辛苦俾幾蚊搭船啦」、「隧道咁長，上斜落斜，唔信腳骨力踩得晒」。翻查資料，根據法例第368A章《行車隧道(政府)規例》，任何人不得在隧道內駕駛單車，違者最高可被判罰5,000元及監禁6個月。
▼男子踩單車過海底隧道逐格睇▼
amJetso送太興鮮臘腸 👇立即按此參加
